Swedish Anthurium Flowers grown by tribal farmer of Saputara,Gujarat.સાપુતારાના આદિવાસી ખેડૂતે કરી વિદેશી સ્વિડનના એન્થુરીયમ ફુલની સફળ ખેતી

ડાંગ જિલ્લાનાં અંતરિયાળ વિસ્તારમાં આવેલા ગુરૂકુળ આશ્રમ ભદરપાડા ગામે આદિવાસી ખેડૂતે કરેલા વિદેશી સ્વિડનનું એન્થુરીયમ ફુલની ખેતીમાં ફુલો ખીલવા માંડતા અંતરિયાળમાં વિદેશી ફોરમ મહેંકી ઉઠી છે. ડાંગ જિલ્લાનાં અંતરિયાળ વિસ્તારઓનાં ભદરપાડા ગામે આદિવાસી ખેડૂતે સ્વીડીશ ફુલોની ખેતી કરી હતી. જેમાં ભારે પરિશ્રમ બાદ જુલાઇમાં સ્વીડીશ એન્થુરીયમનાં પુષ્પો ખીલી ઉઠતાં વિદેશી ફુલોની સુંગધ પ્રસરી રહી છે. ડાંગ જિલ્લાની વિષમ ભૌગોલિક પરિસ્થિતિ બાદ પણ કંઇક કરી છુટવાની ભાવના સાથે વિદેશી એન્થુરીયમ ફુલોનો ખેતી કરવા આદિવાસી ખેડૂત કિશોરભાઇ ચૌધરીએ ભારે પરિશ્રમ વેઠવવા પડ્યો હતો.

Rate this:

ડૉ. માલવિયાએ સાબિત કરી બતાવ્યું કે, આધુનિક ખેતીથી ડૉક્ટર કે એન્જીનિયર કરતાં પણ વધારે કમાણી કરી શકાય છે.

આધુનિક યુગમાં દરેક મા બાપનું સપનુ હોય કે પોતાનો દિકરો કે દિકરી એક સારો અભ્યાસ કરી સારી નોકરી કરી સારા નાણાં કમાવવા લાગે. પણ કેટલાક એવા પણ ગુજ્જુઓ છે જે સારી સારી ડીગ્રી ધરાવતા હોવા છતા ખેતીના વ્યવસાય તરફ વળ્યા છે અને તેમના ફિલ્ડમાં મળતા નાણા કરતા પણ વધારે નાણા આધુનિક ખેતીથી કરી રહ્યાં છે. આજના આધુનિક યુગમાં યુવાનો ખેતી કામને નાનપ માનતા હોય છે. અને પૈસા રળવા શહેરીકરણ તરફ વળતા હોય છે. આજના હાઈટેક આધુનિક યુગમાં યુવાઓ ખેતી કામ કરવામાં ખચકાટ અનુભવતા હોય છે. ત્યારે તેની સામે એવા પણ કેટલાક યુવાનો છે જે પોતે સારો અભ્યાસ કરીને પણ ખેતી કરી રહ્યાં છે. પોતાના અભ્યાસનો ઉપયોગ આધુનિક ટેકનિકથી ખેતી કરવામાં કરી રહ્યાં છે. આવા જ એક યુવાન છે જામનગર જિલ્લાના મેમાણાના ડો. રાજેન્દ્ર માલવિયા.

Rate this: