Strange Love story_દાઢીવાળી યુવતી અને કરચલા જેવા હાથવાળા યુવકની ‘વિચિત્ર’ લવસ્ટોરી

DB-logoઅમેરિકામાં હાલ એક જોડીની ખુબ ચર્ચા થઈ રહીં છે, આ જોડી છે જેસા અને ગ્રેડીની, જેસાને મોઢા પર દાઢી ઉગે છે જ્યારે ગ્રેડીના હાથ કરચલા જેવા છે. આ બંને અમેરિકાના ખુબ જાણીતા ટીવી શો ધ વેનિક બીચ ફ્રીકશોમાં કામ કરે છે. ટીવી શો દરમિયાન પરિચયમાં આવ્યા બાદ બંને છેલ્લા એક મહિનાથી રિલેશનશિપમાં છે.

This slideshow requires JavaScript.

દાઢીવાળી યુવતી અને કરચલા જેવા હાથવાળો યુવક

જેસાની ઉંમર 30 વર્ષની છે. જ્યારે ગ્રેડી 39 વર્ષનો છે. દાઢી હોવાને કારણે જેસા દાઢીવાળી યુવતીના નામથી જાણીતી છે. જ્યારે ગ્રેડી કરચલા જેવા હાથવાળા યુવકના નામથી જાણીતો છે. ગ્રેડી તેના પરિવારની છઠ્ઠી વ્યક્તિ છે જે આવી ખોટ સાથે જનમ્યો છે. જેસાનું કહેવું છે કે તેઓ ‘ધ વેનિશ બીચ ફ્રીકશો’ માં મળ્યા બાદ થોડા જ સમયમાં એક બીજાના પ્રેમમાં પડ્યા હતા. સાથે એસાનું કહેવું છે કે બંનેએ એકબીજાની વિષમતાને અપનાવી લીધી છે.

કેવી રીતે આવ્યા રિલેશનમાં ?
જેસાનું કહેવુ છે કે તેનો સાથી ગ્રેડી ખુબ જ સુંદર છે. તે ગ્રેડીની સેન્સ ઓફ હ્યુમરને કારણે આકર્ષાઈ હતી, તો ગ્રેડીનુ કહેવુ છે કે જેસા અને તે એક જેવા હોવાને કારણે તે આકર્ષાયો હતો. જેસા અને ગ્રેડી પોતાની અનોખી લવસ્ટોરીને પ્રાઈવેટ રાખવા માગતા હતા પરંતુ તેમ ના થયું. જેસા અને ગ્રેડીએ પોતાના રિલેશનશિપની જાહેરાત કર્યા બાદ બંનેને ચારે બાજુથી અભિનંદનની વર્ષા શરૂ થઈ. સાથે કામ કરતા લોકો, મિત્રોએ તેઓને અભિનંદન પાઠવ્યા.  જેસાને ડર હતો કે લોકો બંનેના રિલેશન અંગે જાતજાતની વાતો કરશે પરંતુ લોકોએ બંનેની જોડીને આવકારી જેથી તે ખુબ ખુશ છે.
શું છે ‘ધ વેનિશ બીચ ફ્રીકશો’ ?
ટીવી ‘ધ વેનિશ બીચ ફ્રીકશો’ ના ઓનર ટોડ રેએ જેસા અને ગ્રેડીની લવ સ્ટોરી અંગે જણાવ્યું કે તેઓ ખુબ ખુશ છે અને અમારી સાથે કામ કરતા બે મિત્રોના નિર્ણયને અમે વધાવીએ છીએ. શોમાં કામ કરતા તમામ લોકો જેસા અને ગ્રેડીને ખુબ પસંદ કરે છે. ઉલ્લેખનીય છે કે ‘ધ વેનિશ બીચ ફ્રીકશો’ની શરૂઆત 2006માં ગ્રેમી એવોર્ડ વિજેતા પ્રોડ્યુસર ટોડ રેએ કરી હતી. ‘ધ વેનિશ બીચ ફ્રીકશો’  એક સર્કસમાંથી પ્રેરણા લઈને શરૂ કરવામાં આવ્યો હતો જે અમેરિકન ટીવી નેટવર્ક AMC પર પ્રસારિત થઈ રહ્યો છે.અહીં સર્કસમાં કરવામાં આવતા વિવિધ કરતબો ટીવી પર દર્શાવવામાં આવે છે.